«Учитесь, читайте, размышляйте и извлекайте из всего самое полезное». (Н.И. Пирогов)

[05.03, 7:18] Люда Маркова: *#БүөтүрТобуруокап100сыла#Таптыырхоһооннорум*

Бириэмэ, көтүмэ, көтүмэ
Үргүбүт табалыы түһүмэ!
Өссө да эдэрбин дэниим ээ,
Өссө да көрүлүү түһүүм ээ.

Иннибэр сибэкки тэтэрдин!
Үрдүбэр күөрэгэй битийдин!
Биир ыйга, эдэр саас, уһаарыый!
Биир сылга, кырдьар кэм, бытаарыый!

Алаастан хаарын да күртэххэ
Ааспат ээ, кырыалаах кыһыҥҥы,
Төбөҕө бэргэһэ кэттэххэ
Төннүбэт баттаҕыҥ харата.

Бириэмэ, көтүмэ, көтүмэ,
Эйиэхэ хойутуур үлэҥ суох,
Кырдьары кымньыылаан биэримэ,
Кырдьарга тиэтэйэр Ким да суох!

#БүөтүрТобуруокап#Поэзия

Үтүө сарсыарданан!☀
[05.03, 7:21] Люда Маркова: *Алгыс*

Аламай күн сылааһынан
Үрүҥ күн тахсыыта,
Үтүө сарсыарданы
Үөрэ көрсүөҕүн!
Бар дьоҥҥутугар
Элбэхтэ мичээрдээн,
Эйэҕэс буоларга кыһаллын,
Кыһалҕалаахха көмөлөһүн,
Ыарыйдахха,табыллыбатахха,
Санааҕытын түһэримэҥ,
Саппаҕыран ылымаҥ,
Кытаанах санааланыҥ,
Эркин курдук эрэнэр
Эрэллээх доҕордонуҥ,
Эйиигин өйдүүр-өйүүр
Элбэх аймахтаныҥ,
Биир санааҕа түмсүҥ,
Бары бииргэ сылдьыҥ,
Иллээх - эйэлээх буолуҥ!
      Д о м !